Tímamót

Það er svo spes á þessu kandidatsári að vera alltaf að skipta um vinnustað. Kannski er það ennþá skrítnara að vera ekki að byrja í skólanum. Ég er bara að halda áfram að vinna. Haustið eins og sumarið. Engin klár skil. Bara þessi mánaðarlega prufa á því hversu mörg ný nöfn er hægt að læra á sem stystum tíma (aka byrja á nýrri deild). Var að klára síðustu vaktina mína á deildinni minni núna og er að fara í 4 daga helgarfrí (já ég er ekkert að grínast) og byrja svo að vinna á nýjum stað... ekki í skólanum. Finnst þetta bara alveg fáránlega skrítið að vera ekki að byrja í skólanum. Meira að segja þegar ég sat á trukknum í safarí síðasta vor datt sú fluga í hausinn á mér að læra frönsku og svei mér þá ef ég setjist ekki bara aftur á skólabekkinn þetta haustið og láti verða af því að byrja að lesa frönsku í haust. Eða spænsku... eða pólsku... eða ...

Ps. er einhver sem þekkir hvar þessi mynd er tekin? (verðlaun í boði)